frábært framtak

Mér finnst þetta frábært framtak hjá hjúkrunarfræðingum, og gaman að sjá samstöðuna sem myndast hjá heilbrigðisstéttum í þessu máli, enda er þetta fólkið sem horfir á afleiðingarnar af öllum þessum slysum.

Ég held ég ætti að hlusta oftar á 7 ára dóttur mína sem er stöðugt að horfa á hraðamælinn þegar við erum að  keyra og skammar mig ef ég fer yfir löglegan hraða, og passar vel upp á það að  ég og aðrir sem setjast upp í bílinn séu með beltin spennt.  Það er gott að hafa einhvern til að minna sig á, en ég er að hugsa um að reyna að standa mig betur svo að lítla ábyrgðarfulla dóttir mín þurfi ekki að fylgjast með því að móðir hennar keyrir á löglegum hraða.

Góð þáttaka í fjöldagöngum gegn slysum

Athugasemdir

[Eggert (IP-tala skráð) 5.7.2007 kl. 00:46]

Sæl,

Það er því miður ekki bara hraðinn sem veldur slysunum, það mætti reka jafn mikinn áróður fyrir því að ökumenn séu með athyglina við aksturinn, veita ungum jafnt sem öldnum ökumönnum akstursþjálfun í miklu meira mæli en nú er, svo ekki sér minnst á að reka áróður fyrir bættri umferðamenningu og ekki síst bæta vegakerfið. Ekki eiða öllu púðrinu í að minna fólk á að aka hægar.

Bara nokkrar athugasemdir frá einum sem er mikið í umferðinni.

Kveðja, Eggert